Þá hefur kjempetorsken aftur tekið upp blogghanskann eftir 4ja mánaða frí og byrjaður að blogga eins og fjandinn. Spurning hvað hann endist lengi í þetta skiptið. 

Ýmislegt hefur nú gerst síðan eitthvað að viti var skrifað á þessa síðu og ætla ég nú ekki að fara að tíunda það hvað við gerðum um páskana og svoleiðis þar sem slíkt telst nú fyrnt. Það þykir þó merkilegra að við hjónin skiluðum ritgerðunum okkar í lok júní og erum við sammála um það að núna er skólagöngu algjörlega lokið. Síðuritari mun gerast nýtur þjóðfélagsþegn hér í kóngsens Norge næstkomandi mánudag og munum við því fljótlega geta leyft okkur allskyns lúxus eins og tannlækni, ógötótta sokka, farið með bílinn í skoðun og "harry-tur" til Svíþjóðar.

Fjölskyldan flutti til Asker í byrjun júlí og komu mútta og pabbi til okkar og hjálpuðu til með flutningana. Íbúðin sem við leigjum er í 130 ára gömlum fyrrum búgarði sem hefur mikla sögu. Hér hefur sama fjölskyldan búið frá upphafi og býr nánast öll ættin hér í næsta nágrenni. Öllum þeim þykir mjög vænt um þetta hús og hafa því allir lagt mikið kapp á að taka vel á móti okkur. Okkur hefur meðal annars verið boðið í norska rækjuveislu, skoðunarferð um bæinn/sveitina og lengi mætti telja. Fólkið sem leigir okkur er einnig mjög vinalegt og hafa reynst okkur mjög vel. Íbúðinn er á tveimur hæðum og er nóg pláss fyrir gesti, stutt er í lestina til Oslóar en munið bara að Rådhusplassen er í Køben.