Það hefur ekki farið framhjá kjempetorsken að það eru einhverjir óróleikar í pólitíkinni heima og langar mig að eyða nokkrum orðum í þetta og þá sérstaklega beini ég orðum mínum til svokallaðra moggabloggara.

Bla bla bla bla bla bla bla bla.

Mikið rosalega er maður duglegur að skrifa eitthvað hingað inn. En best að hífa upp sokkana einu sinni enn og reyna láta eitthvað af sér kveða. Við höfum haft það ágætt það sem þegar er liðið af ári nema hvað flensan hefur staldran ansi lengi við hár á heimilinu. Ásdís búin að vera lasin í 3 vikur og þar á undan var Freyja veik. Við foreldrarnir fengum líka okkar skerf og láum í nokkra daga. Vegna þessa höfum við getað verið frekar lítið í skólanum og því ekki komin langt á veg með lokaverkefnin. En það er í góðu lagi því skiladagur er einhvern tíman í júní.

Eftir jólatörnina og heimsókn frá systur minni ákvað kjempetorsken að fara að hreyfa sig á ný og reyna að losna við bingóvöðvana og björgunarhringinn, er farinn að spila fótbolta með einhverjum gaurum og hef gengið á skíðum. Það hefur þó ekki gengið snuðrulaust fyrir sig þar sem í boltanum er ég sprunginn eftir 10 mínútur og þegar ég gekk á skíðum tóku einhverjir karlar frá Vestlia alderhjem frammúr mér og það tvisvar. Ekki bætti síðan úr skák þegar að tvær gamlar konur brunuðu síðan framhjá og skildu mig eftir í snjókófinu. Nei þá fékk ég nóg og snéri við, nú verða skíðin smurð og þessar kerlingar teknar í bakaríið. En ég fékk þónokkuð af harðsperrum daginn eftir, spurning hvernig kerlingunum hefur liðið.

Hvað öðru líður þá er ég búinn að sækja um eitt starf í Oslo og bíð nú spenntur eftir svari, ef það klikkar þá er einnig verið að auglýsa eftir jarðverkfræðingum hér í Þrándheimi og læt ég reyna á það. Annars veit ég að það er nóg að gera norður í Finnmark og Troms en frekar mun ég vinna í Kebab sjoppu niðrí bæ eða sæki um doktorsnám og afplána fjögur ár til viðbótar. Ekki það að mér er eitthvað ílla við norður Noreg heldur viljum við frekar flytja suðureftir þar sem "styttra" er heim til Íslands og meiri möguleikar á að skjótast niður til Danmerkur og svoleiðis, þar fæst víst ódýr bjór. Danmörk er reyndar svo örlítið að það tekur því varla að stoppa þar í þeim erindagjörðum að kaupa bjór heldur bara að keyra aðeins lengra og til Þýskalands, þar er bjórinn ódýrari. En í Þýskalandi er náttúrulega autobanen og því er maður fljótur að keyra í gegnum það land og alla leiðina til Tékklands og þar er víst mun ódýrari bjór.  Já það yrðu margir kostir bundnir við það að búa í eða við Oslo og tækifærin endalaus.

Svo að lokum þá erum við búin að kaupa flugmiða heim til Íslands yfir páskana, þar fæst víst ódýr bjór þessa dagana. Já maður er alltaf þyrstur þegar maður er kominn á kaf í íþróttirnar.